കൊട്ടാരക്കര: കൊട്ടാരക്കര ഐടി നഗരമായി മാറുന്നുവെന്നു മുഖ്യമന്ത്രി പിണറായി വിജയന്. സംസ്ഥാനത്തെ ആദ്യത്തെ വര്ക്ക് നിയര് ഹോം ‘കമ്മ്യൂണ്' ഉദ്ഘാടനം കൊട്ടാരക്കരയിലെ അമ്പലക്കര മൈതാനത്ത് നിര്വഹിക്കുകയായിരുന്നു അദ്ദേഹം. സംസ്ഥാനത്ത് ആദ്യമായി നടപ്പാക്കിയ പദ്ധതി എല്ലാപ്രദേശങ്ങളിലും പ്രാവര്ത്തികമാക്കാനാകും. കേരളത്തിലെ തദ്ദേശതലസ്ഥാപനങ്ങള് മുന്കൈയെടുക്കണമെന്നും അദ്ദേഹം പറഞ്ഞു.
കൊട്ടാരക്കരയില് ഐടി പാര്ക്കിന് പുറമേ സംസ്ഥാനത്തെ ആദ്യത്തെ ഡ്രോണ് പാര്ക്ക്, സയന്സ് മ്യൂസിയം, പ്ലാനറ്റേറിയം, ആധുനിക സ്റ്റേഡിയം, കേരള യൂണിവേഴ്സിറ്റിയുടെ റിജീണല് സെന്റര് എന്നിവ കൂടി സ്ഥാപിക്കും. ഓപ്പണ് എയര് ഓഡിറ്റോറിയം, മുനിസിപ്പല് ആസ്ഥാനനിര്മാണം എന്നിവയുടെ നടപടി പുരോഗമിക്കുന്നു.
നഗരത്തിലെ ഗതാഗത കുരുക്കിന് പരിഹാരമായി ബൈപ്പാസ് നിര്മാണത്തിന് സ്ഥലമേറ്റെടുപ്പിനുള്ള വിജ്ഞാപനവുമായി. കിഫ്ബിയിലൂടെ സമാന്തര ധനകാര്യസ്രോതസ് സൃഷ്ടിച്ചാണ് 90,000 കോടി രൂപയുടെ വികസനപദ്ധതികള്ക്ക് അംഗീകാരമായത്. കേരളത്തിന്റെ എല്ലാ പ്രദേശങ്ങളിലും വികസനസാക്ഷ്യങ്ങള് കാണാമെന്നും മുഖ്യമന്ത്രി പറഞ്ഞു.
മന്ത്രി കെ.എന്. ബാലഗോപാല് അധ്യക്ഷനായി. നേത്രാസെമി, പ്രോംടെക് ഗ്ലോബല്, വൊന്യൂ, സോഹോ തുടങ്ങിയ കമ്പനികള്ക്ക് വര്ക്ക് നിയര് ഹോമില് പ്രവര്ത്തിക്കുന്നതിനുള്ള ധാരണാപത്രം ചടങ്ങില് കൈമാറി. സോഹോ കോര്പറേഷന് കോ-ഫൗണ്ടര് ടോണി തോമസ് മുഖ്യപ്രഭാഷണം നടത്തി. ജില്ലാ കളക്ടര് എന്. ദേവിദാസ്, കൊട്ടാരക്കര മുനിസിപ്പല് ചെയര്പേഴ്സണ് അനിത ഗോപകുമാര്, ജില്ലാ പഞ്ചായത്ത് വൈസ് പ്രസിഡന്റ് എസ്. ആര്. അരുണ് ബാബു, വെട്ടിക്കവല ബ്ലോക്ക് പഞ്ചായത്ത് പ്രസിഡന്റ് ബിന്ദുലക്ഷ്മി, പഞ്ചായത്ത് പ്രസിഡന്റുമാരായ എസ്. രേഖ, ദിവ്യ ചന്ദ്രശേഖര്, പി പ്രിയ, മനു ബിനോദ്, വി.വിദ്യ, ജില്ലാ പഞ്ചായത്ത് ക്ഷേമകാര്യ സ്റ്റാന്റിംഗ് കമ്മിറ്റി ചെയര്പേഴ്സണ് ജി. സരസ്വതി, ജില്ലാ പഞ്ചായത്ത് മെമ്പര്മാരായ അഡ്വ. വി.സുമലാല്, കെ. എസ്. ഷിജുകുമാര്, കൊട്ടാരക്കര നഗരസഭ വൈസ് ചെയര്മാന് എ. ഷാജു, വാര്ഡ് കൗണ്സിലര് എസ്.ആര്. രമേശ്, കെ-ഡിസ്ക് മെമ്പര് സെക്രട്ടറി ഡോ. പി. വി. ഉണ്ണികൃഷ്ണന്, എക്സിക്യൂട്ടീവ് ഡയറക്ടര് പി.എം റിയാസ് തുടങ്ങിയവര് പങ്കെടുത്ത
E-paper LOGIN
LOGIN
